🇱🇦 ຄະນະກຳມະການສົ່ງເສີມ ແລະ ຄຸ້ມຄອງການລົງທຶນ (ຄລທ) ໄດ້ຈັດກອງປະຊຸມ ວຽກງານສົ່ງເສີມ ແລະ ຄຸ້ມຄອງການລົງທຶນ ທົ່ວປະເທດ ຄັ້ງທີ I

ໂດຍພາຍໃນງານໄດ້ມີການຈັດບູດຜະລິດຕະພັນຕ່າງໆຈາກຫຼາຍພາກສ່ວນເຂົ້າຮ່ວມ ເຊິ່ງໃນນີ້ກໍ່ມີບູດຈາກເຂດເສດຖະກິດພິເສດແຂວງສະຫວັນນະເຂດ ບໍລິສັດສະຫວັນປັກ-ໂຊນຊີ ກໍ່ໄດ້ຮ່ວມວາງສະແດງຜະລິດຕະພັນທີ່ມີການຜະລິດພາຍໃນເຂດເຊັ່ນ: ສິນຄ້າອີເລັກໂທຣນິກ, ສາຍໄຟຕ່າງໆ, ຊິ້ນສ່ວນອາໄລ່ເຄື່ອງບິນ, ຕຸກກະຕາ, ຕູ້ເຟີນີເຈີ້, ຜະລິດຕະພັນສີ ແລະ ເສື້ອຜ້າ ໃນງານວາງສະແດງຄັ້ງນີ້ພວກເຮົາຮູ້ສຶກເປັນກຽດຕ້ອນຮັບການຢ້ຽມຊົມຂອງ ພະນະທ່ານ ສອນໄຊ ສີພັນດອນ ນາຍົກລັດຖະມົນຕີ, ທ່ານ ສະເລີມໄຊ ກົມມະສິດ ຮອງນາຍົກລັດຖະມົນຕີ ແລະ ທັງເປັນປະທານກອງປະຊຸມຄັ້ງນີ້ ພ້ອມທັງຄະນະລັດຖະບານທ້ອງຖິ່ນ ແລະ ບັນດາຫົວໜ່ວຍເອກະຊົນ ເຂົ້າຮ່ວມຢ້ຽມຊົມບູດຂອງສະຫວັນປັກ, ພວກເຮົາຮູ້ສຶກຍິນດີທີ່ໄດ້ຮ່ວມງານວາງສະແດງຜະລິດຕະພັນຂອງຜູ້ປະກອບການພາຍໃນເຂດ ພ້ອມທັງໄດ້ແບ່ງປັນຄວາມຄືບຫນ້າການພັດທະນາຢ່າງຕໍ່ເນື່ອງຂອງເຂດ ພະນະທ່ານ ໄດ້ຢ້ຽມຊົມຜະລິດຕະພັນທີ່ຫຼາກຫຼາຍ ແລະ ໄດ້ຊົມເຊີຍຜູ້ພັດທະນາທີ່ນໍາຄວາມທັນສະໄຫມມາພັດທະນາທັກສະຂອງປະຊາຊົນລາວໃຫ້ມີຄວາມສາມາດ ກ້າວໄກສູ່ສາກົນທີ່ທັນສະໄຫມ. ງານວາງສະແດງສິນຄ້າດັ່ງກ່າວປະສົບຜົນສຳເລັດຢ່າງຍິ່ງ ແລະ ໄດ້ຮັບຄໍາຊົມເຊີຍຍ້ອງຍໍຕໍ່ບໍລິສັດສະຫວັນປັກ-ໂຊນຊີ ແລະ ບັນດາຜູ້ປະກອບການພາຍໃນເຂດທີ່ໄດ້ໃຫ້ຄວາມຮ່ວມມື ຮ່ວມງານວາງສະແດງໃນຄັ້ງນີ້ຈົນສຳເລັດ.